Denne helga har eg sett ein del på det kanadiske TV-programmet «So you think you can wine?», og det har endra synet mitt på vin litt. Heilt sidan eg vart fortalt at sjølv Eyvind Hellstrøm knapt klarer å smake skilnaden på raud og kvit vin i ein blindtest, har eg tenkt at vinsnobberi må vere basert på at folk innbiller seg ting. På dette programmet klarer sommelierane ikkje berre å skilje raud frå kvit, dei klarer å kjenne at ein vin er frå Australia eller at han vart laga i 2007. Eg skjønar at eg har hatt eit litt forenkla syn på vin, så no prøver eg å forstå dette.