Det går betre med folketalsutviklinga i store delar av distriktet enn det mange trur. Det skjer absolutt mykje flytting til byane i Noreg, og nokre stader i Finnmark kjem til å slite om ting ikkje snur. Det er likevel ikkje slik alle stader. Sogn og Fjordane består til dømes berre av distrikt, og der er folketalet heilt stabilt. I 1970 var folketalet 109.000, i dag er det 110.000 og i 2030 kjem det til å vere 117.000.