Så var vi her igjen, endå eit universitet vel å leggja kunstfaga på slaktarblokka når sparekniven skal brukast. Denne gongen er det NTNU i Trondheim, som blant anna planlegg å kløyva filmutdanninga i to og fordela praktikarane og teoretikarane på kvart sitt institutt – høvesvis Institutt for musikk og Institutt for tverrfaglege kulturstudium. Ein treng ikkje vera kjend med universitetssystemet for å slutta seg fram til at filmproduksjon truleg har meir med filmteori å gjera enn med musikk, men ei teknisk tilnærming til fagleg styring av våre høgste læreinstitusjonar er diverre ikkje uvanleg.