I desse dagar er det ti år sidan politisk redaktør i Bergens Tidende Sjur Holsen døydde altfor ung, berre 44 år gamal. Han kom frå utanrikstenesta til Bergens Tidende, etter å ha vore på ambassadar som Santiago i Chile og Madrid i Spania, ein noko uvanleg veg inn i journalistikken. Det passa Holsen, som heldigvis var alt anna enn vanleg. Blikket han såg Vestlandet og Noreg med, har sett spor i ein by som saknar og manglar originale, smarte og vittige røysta.