Dei tre største gruppene blant norske kommunestyremedlemmar er Mann 50–59 år, tett følgt av Mann 60 år eller eldre og Mann 40–49 år. På ein god fjerdeplass kjem Kvinne 40–49 år. Norske menn i femtiåra er 6,8 prosent av innbyggjarane i Noreg, men dei er 16 prosent av (trekk pusten) kommunestyrerepresentantane (og pust ut). Så lenge menn på, over og godt over middagshøgda tek avgjerdene, er det i større grad deira problem og deira løysingar som kjem på bordet.