Bilen svevde om lag ti meter før han trefte ein fjellknaus og landa på taket på ein grasplen. Dei har vore heldige, fortalte ein innsatsleiar i politiet til Bergensavisen etter at ein bil med fem unge vaksne køyrde av vegen på Sotra på fredag. To dagar før, ein annan stad på Sotra, køyrde ein bil med fire gutar/menn på 17 og 18 år inn i ein fjellvegg og landa på taket, skvist inntil ein lyktestolpe. Politiet konkluderte ikkje med éin gong, men sa til BA at det «førebels tyder på at det var ein kombinasjon av høg fart, ung førar og eit kraftig køyretøy». Ein giftig cocktail.