«Justisministeren er tilbake på Tiktok», melder Dagens Næringsliv. Comebacket kjem etter to månadars pause, der Emilie Enger Mehl blant anna har hatt ansvar for ei gransking av «Noregs største datasenteranlegg», etablert for Tiktok. Granskinga kom etter at statsministeren sette ein stopp for Tiktok på tenestetelefonane til statsrådar, statssekretærar og politiske rådgjevarar, stortingspresidentens melding om at alle på Stortinget må sletta Tiktok «så raskt som mulig», og sentralbanksjefens oppfordring til alle i Noregs Bank om å droppa Tiktok. I mai vart abstinensen for stor. Statsråden har fått ein eigen betalmobil dedikert til sosiale media. Skal ein døma etter bilda der Mehl svingar seg i bunad på Oslos tak, tar på seg ryggsekken i norsk natur og er filma bakfrå maktkledd med dokumentmappe, så har ho også ein betal-kameraperson. The Justisfluencer is back! For tredje gong på Nidstonga. GK
Du kan bla til neste sideBla med piltastene
«Den lille havfruen» liknar noko frå den mest glorete hylla i leikebutikken.
Ekte menneske, kunstig film
MeldingBarnefilm
Den lille havfruen
(«The Little Mermaid», USA, 2023) Regi: Rob Marshall Manus: David Magee, Ron Clements, H.C. Andersen Eventyr, 9 år, 2 t. 15 min., kino
H.C. Andersens eventyr «Den lille havfrue» handlar om eit sjøvesen som er viljug til å gje avkall på alt – og endåtil leva eit liv i pine på land – for å få ei udødeleg sjel slik som menneska. Då den religiøse fabelen vart omgjort til ein animert, komisk-romantisk Disney-musikal i 1989, vart lengta etter ei evig sjel moderert til lengta etter ein sjeleven. Og godt var vel det.
