Filmane til Ulrich Seidl er ikkje for sarte sinn. I «Rimini» – eit portrett av den fallerte nattklubbsongaren og ferieby-gigoloen Richie Bravo (imponerande spelt av Michael Thomas) – balanserer regissøren igjen hårfint mellom empatisk innleving og sarkasme. Det er faktisk vanskeleg å seia om det medynk eller spit, som er verst å vera vitne til. For Richie Bravo er ein figur så frikopla frå samfunnsnormene at hans like er ekskluderte frå det offentlege rommet.