Det habsburgske kongedømet i Spania døydde ut med Karl den andre i år 1700. Karl var fysisk svært svak og psykisk tilbakeståande. Han klarte knapt på sitje oppreist, men konge skulle han vere. Slik skavankar vil du gjerne få om forfedrane dine stort sett er søskenbarn, onklar og nieser. Mor til Karl II var også niesa til faren, og bestemora var også tanta. Barnedødeligheiten hjå dei spanske habsburgarane var forresten 50 prosent, medan han på den lutfattige spanske landsbygda på same tid var kring 20 prosent. Til slutt fekk dei fred alle saman, men det stoppa ikkje andre kongelege frå å halde fram med inngifte heilt fram til vår eiga tid.