- Det er endeleg vår, men det ser ikkje lysare ut for regjeringa av den grunn. Kanskje vil det hjelpe med eit historisk sterkt landbruksoppgjer. På den andre sida: Denne veka kjem revidert statsbudsjett, der pengar må sparast inn for å dekke inn det gode landbruksoppgjeret og krigen i Ukraina. Det kan dermed vere duka for nye vonbrot og ytterlegare veljarflukt. Nokre av veljarane set seg på gjerdet. Andre går til høgresida. Og kva finn dei der? Ikkje så mykje nett no. På høgresida tek folk det med ro for tida. Førre veke var folk frå dei ulike høgresidepartia ute og drakk øl saman på bar i Oslo, så dei held kontakten. Litt som gjengen din frå folkehøgskule som kjem saman i ny og ne. Det er dei kanskje vel unnt: Dei styrte landet i åtte år, og det er lenge til neste val.
Høgresida
Dagboka
