NOTERT

Krev kulturboikott

Det ukrainske filmakademiet krev full boikott av russisk film- og kinobransje. Eit ope brev som er lagt ut på akademiet si nettside, avrundar med ei inderleg bøn om at den internasjonale filmindustrien må stå solidarisk med Ukraina. Blant signatarane er regissør Oleg Sentsov. «Vi forsvarar ikkje berre landet vårt, vi kjempar mot det komande tyranniet», skriv Sakharov-prisvinnaren frå 2018. Sentsov vart arrestert etter annekteringa av Krim i 2014 og sona fem år av ein svært tvilsam terrordom i russisk fengsel. GK

Flukta frå seg sjølv

MeldingAmund Grimstad28. februar 2022

KYSSET: Er dette eit kjærteikn, eller freistar dei å fortære kvarandre? FOTO: TERJE VISNES TERJE VISNES

Stramt, repeterande og humoristisk om det umogelege i å rømme frå seg sjølv.

Trøndelag Teater, Studioscena

Av: Jon Fosse

Regi: Sigurd Ziegler

Scenografi, kostyme og lysdesign: Norunn Standal

Komponist, lyddesign: Alf Lund Godbolt

Med: Hans Petter Nilsen, Madalena Sousa Helly-Hansen og Carl Martin Eggesbø

Etter å ha skrive romanar i ti år debuterte Jon Fosse som dramatikar med «Nokon kjem til å kome» i 1992. Men det skulle ta nærare fire år før stykket blei uroppført. I ettertid er dramaet blitt eitt av Fosses mest berømte, og det har gått sin sigersgang over heile verda, sjølv om det er relativt langt mellom oppføringane her heime. Når Trøndelag Teater nå set det opp, er det blitt ei velspela, stram og overraskande humoristisk framsyning.

Eit lite utsnitt av fellesnordisk historie viser filmpotensialet i materialet.

Politisk melodrama

FilmMeldingGuri Kulås28. februar 2022

HANDFAST MAKTSPELAR: Trine Dyrholm ber tittelrolla som dronning Margrete den første akkurat så godt som ein kunne venta av henne. FOTO: SF NORGE

Både moderne og mellomaldersk portrett av ei maktkvinne før si tid.

(Danmark, 2021)

Regi: Charlotte Sieling

Manus: Jesper Fink, Maya Ilsøe og Charlotte Sieling

Med: Trine Dyrholm, Søren Malling, Morten Hee Andersen, Jakob Oftebro, Bjørn Floberg, Magnus Krepper, Thomas W. Gabrielsson, Agnes Rase, Simon J. Berger, Paul Blackthorne

Sjanger: historisk drama

Lengde: 2 t.

Vist på: Kino

Kor potent eldre, europeisk historie er, blir vi minte om når det bryt ut krig på kontinentet og aggressorane grip tilbake gjennom hundreåra for å legitimera nye overgrep. Vladimir Putins ekstreme demonstrasjon av korleis historiske fakta kan nyttast til å konstruera vrengjebilde, er også ei påminning om at all historieskriving er forteljing, og at all forteljing med historieskrivande pretensjonar – inkludert historiske film- og tv-drama – bør bli møtt med kjeldekritisk debatt.