FORSVAR: Noreg vurderer å seie opp kontrakten med NH90-helikoptera, seier forsvarsminister Odd Roger Enoksen (Sp). Alle helikoptera skulle vore leverte i 2008, men framleis manglar eitt. Enoksen ber Forsvarsdepartementet setje i gang eit arbeid med å sjå på maritime helikopter til Forsvaret heilt på nytt, skriv Aftenposten. Éi moglegheit som blir vurdert, er å seie opp kontrakten for NH90. Innkjøpet av NH90-helikoptera har lenge vore skandaleråka. Noreg bestilte 14 helikopter i 2001, og dei skulle ha vore i drift i Noreg i 2008 om bord på kystvaktskip og fregattane til marinen. – Faktum er at vi no har liten tillit til leverandøren NHI, seier Enoksen.©NPK