Du kan bla til neste sideBla med piltastene

Kjersti Toppe har blitt kritisert både for å vera heime med små ungar og for å reisa frå dei. Som barne- og familieminister er det ho som skal sette standarden.

Familietoppen

PortrettAnne Kari Hinna (tekst og foto)
FAMILIEOVERHOVUD: Då barn nummer fem kom, la Kjersti Toppe legekarrieren på hylla og blei heimeverande. Og då nummer seks var fem år, fekk ho plass på Stortinget og begynte på ein kvardag med reising. – Eg er blitt kritisert både for å vera heime med ungane og for å reisa frå dei. Anne Kari Hinna

Stem nei, hadde det stått bakpå Volvoen til faren. Kjersti Toppe var fem år. Ho hadde vore med faren og delt ut brosjyrar mot norsk EU-medlemskap. Ho hadde vore med foreldra som avla stemmene sine i urna, og ho hadde kjent på alvoret som prega landet denne septemberdagen i 1972.