Europeiske høgreekstreme konspirerer for å endra det tyske parlamentsvalet. Ein politisk thriller kan ikkje bli stort meir aktuell enn det, men «Mammon»-skapar Gjermund Stenberg Eriksen nøyer seg ikkje med å skildra trugsmål mot Tyskland i sin nye serie «Furia». Han har ambisjonar om å teikna eit totalbilde i miniatyr av vår tids islamofobe, valdsmotiverte (inter-) nettverk og knyta utviklinga av desse til 22. juli-terroristen og hans inspirator, bloggaren «Fjordman».