DYREVELFERD: Landbruksminister Olaug Bollestad (KrF) varslar ei stortingsmelding om dyrevelferd og gjennomgang av næringa etter filmopptak frå aktivistgruppa Nettverk, som viser framleis dårlege forhold hos grisebønder. Aktivistane har ulovleg teke seg inn i fleire fjøs, og fleire av bøndene som er oppsøkte har meldt forholdet til politiet. Det er 20 år sidan det vart gjennomført ein samla gjennomgang av dyrevelferd og næringa, ifølge Bollestad. – Vi vil vurdere om lovverket er godt nok. Om forskriftene er gode nok, og om Mattilsynet har dei rammene og verktøya dei må ha for å kontrollere dei som produserer maten vår, seier Bollestad til NRK. ©NPK