KRIG: – Vi må erkjenne at på viktige område har vi ikkje oppnådd måla vi sette oss for bistanden til Afghanistan, seier statsminister Erna Solberg (H). Solberg gjorde i går greie for Stortinget om det norske bidraget og om planane for tilbaketrekking. Dei norske soldatane er blant dei siste som skal forlate Afghanistan innan fristen som er sett til 11. september i år. Solberg meiner tilbaketrekkinga kan føre til at andre konfliktar vil komme til overflata. – Eg skal samtidig vere ærleg på at det er forbunde med betydeleg risiko å trekke seg ut før det finst ein fredsavtale mellom dei afghanske partane, sa Solberg.©NPK
Du kan bla til neste sideBla med piltastene
Kvisten
Dagboka
- Då eg stod i kassa på butikken her om dagen, tok eg sedvanleg ned øyretelefonane då det var min tur. Eg har jo eit snev av folkeskikk. Det var ei litt rar stemning nokre sekund då han i kassa høyrde at eg hadde «Se ilden lyse» av Sissel Kyrkjebø på full guffe, men eg såg tilbake på han med det kaldaste «kva har du med det å gjere?»-blikket eg hadde og stod i det. Ja, takk, pose, ja. Nei, ikkje kvittering. Ha ein god dag. Full av sjølvtillit gjekk eg heim og kokte opp nøyaktig rett mengd pasta til middagen. Når ein har dagen, så har ein dagen. Då går alt vegen.
