Du kan bla til neste sideBla med piltastene

Bjørneteneste

BarnefilmfredagGuri Kulås
BESTEVEN MED DYRA: Sioux-guten Yakari saman med mustangen Lille Torden. FOTO: AWE

Langfilmen om Yakari er ei forflating av figuren.

(Yakari, le film, Frankrike/ Tyskland/ Belgia, 2020)

Regi: Toby Genkel og Xavier Giacometti.

Manus: Xavier Giacometti, basert på teikneserien til «Job & Derib».

Røyster: Norsk dubbing.

Lengde: 1 t. 22 min.

Aldersgrense: For alle.

Vist på: Opne kinoar.

Sioux-guten Yakari, som er ven med og kan snakka med alle dyra på prærien, er ein kjend figur for «Barne-TV»-publikum gjennom 15 år. På kontinentet har Yakari ei mykje lengre historie, i første rekkje som hovudperson i sin eigen fransk-belgiske teikneserie, skapt av sveitsarane André Jobin (tekst) og Claude de Ribaupierre (teikning). Sidan 1973 er det publisert 40 album om Yakari. Serien er òg omsett til norsk. I moderne barnekultursamanheng er tida overmogen for ein Yakari-langfilm – men kanskje ikkje for «Yakari på nye eventyr».