TROMSØ: Selskapet Wilnor Governmental Services har kjøpt den tidlegare marinebasen Olavsvern i Tromsø. – Intensjonen vår er å gradvis oppgradere infrastrukturen og tilby ein attraktiv base på Olavsvern for militære formål. I overskodeleg framtid vil likevel sivil verksemd på Olavsvern sameksistere med militær bruk, seier direktør Vidar Hole i ei pressemelding. Wilnor, som samarbeider med Forsvaret, skriv at Olavsvern vil vere tilgjengeleg for militære formål. Ifølgje Nordlys har forhandlingane om oppkjøpet gått føre seg sidan 2019. Etter det avisa forstår er Tromsø-ordførar Gunnar Wilhelmsen (Ap) ein av investorane som blir med vidare. ©NPK
Du kan bla til neste sideBla med piltastene
Graset
Dagboka
- No er eg fortvila. Eg veit at verda går til pises, verdas supermakt er eit døyande demokrati, pandemien som får økonomiar til å knele nektar å sleppe taket og kjem med nye og farlegare mutasjonar, ikkje går det an å ta seg pils eingong, men no går det verkeleg ad undas. Sportsklubben Brann skal leggje kunstgras på stadion. Sukk. Årsaken er at treningsbanene ikkje er gode nok, så dei trener på kunstgras og speler på vanleg gras. I krinsane mine går diskusjonane vilt for seg, og sidan det er rasjonelle grunnar for å leggje kunstgraset, er vi motstandarar nostalgikarar. Det er det einaste argumentet vi har.
