KVOTE: Regjeringa innfører ei mellombels ordning der fartøy får overført inntil 10 prosent av torskekvoten frå 2020 til 2021 på grunn av koronautbrotet. Kvoteoverførsla skjer som følgje av at organisasjonane til fiskenæringa har etterspurt dette for å redusere utfordringar i marknaden, opplyser Nærings- og fiskeridepartementet i ei pressemelding. – Moglegheita til å overføre kvoten vil gi større fleksibilitet for kvar enkelt fiskar, slik at dei kan tilpasse seg situasjonen der det har vore svikt i etterspurnad av fisk, seier fiskeri- og sjømatminister Odd Emil Ingebrigtsen (H). Ordninga omfattar torsketrålarar, seitrålarar og fleire andre fartøy. ©NPK