- Det kjem ikkje til å bli fleirtal i kongedømet for å melde Noreg inn i EU med det første. I november målte Klassekampen EU-støtta til 27,6 prosent. Det høgste på lenge, ein ja-trend som har stige jamt og trutt frå botnen i desember 2011, då vi målte EU-støtta til 12,6 prosent. Det har ikkje vore imponerande entusiasme for å melde Noreg inn i unionen dei siste femten–tjue åra, sjølv om det no er på eit nivå tilhengjarane kan snakke om utan å vere heilt flaue. Noreg har vore velsigna med to ja-parti, Høgre og Arbeidarpartiet. Ulempa deira, er at dei også skal vere breie folkeparti og held seg unna saker som det breie folket ikkje er interesserte i, som EU-medlemskap. Dei siste åra har ikkje Arbeidarpartiet sagt meininga heilt klart heller.
EU
Dagboka
