På måndag opnar rettssaka mot den overgrepstiltalte hollywoodprodusenten Harvey Weinstein. Til forsvarar har han hyra Donna Rotunno, som allereie har fått frikjent ein bråte med sånne som han. Men om han bli dømd eller ikkje, har i røynda ikkje så mykje på seg. Skulda er tilstrekkeleg bevist i hans eigne rekneskapsbøker. For opp gjennom åra har flokkevis med sakførarar vore sysselsette med å betala erstatning til dei kvinnene han har krenkt, og tvinga dei til å skriva under på at dei aldri skal nemna det for nokon.

Ikkje søtt, ikkje surt, ikkje bittert – men salt. Solveig Aareskjold skriv om det ho sjølv vil i Klassekampen kvar laurdag.