Du kan bla til neste sideBla med piltastene

Klimatiltak kostar auka skatter

BUDSJETT: MDG aukar skattar og avgifter med 31 milliardar kroner for å få råd til klimatiltak. MDGs stortingsrepresentant Une Bastholm la i går fram det alternative 2020-budsjettet til MDG. Partiet vil mellom anna bruke tre milliardar på å starte med å reinse dei store punktutsleppa i norsk industri og 1,8 milliardar på å støtte elektrifisering av næringstransport. For å få råd vil dei mellom anna hanke inn ti milliardar på ei ny flyseteavgift. Å auke bensin- og dieselavgifta med 5 kroner per liter gir vel 6 milliardar. Særskatt på oljeinntekter vil gi 7,2 milliardar, og å doble CO2-avgifta på sokkelen vil gi 11,8 milliardar inn i statskassa. ©NPK