Eg har ein kristen bakgrunn, og har alltid hatt lit til KrF. Eg har ikkje stemt på dei, men eg har hatt lit til dei. Då eg førehandsstemte før kommunevalet i Bergen i haust, sto eg i avlukket med lista til KrF i handa, og eg vurderte heilt seriøst å bruke den, for første gong i mitt liv. Det er ingen som har markert seg så tydeleg i min kommune på saker som gjeld personar med psykisk utviklingshemming, i alle fall ikkje i denne valkampen.