«Peer Gynt» på Gålå er spektakulær, vakker og nesten overveldande.
Ein særs lite sjarmerande Peer Gynt i ei framsyning der det ikkje er spart på noko.
Av Henrik Ibsen
Regi: Marit Moum Aune.
Komponist: Erik Hedin og Edvard Grieg.
Scenografi: Snøhetta og Even Børsum.
Kostyme: Ingrid Nylander.
Koreografi: Silas Henriksen.
Omsetjing til dølamål: Håkon Sveen.
Lysdesign: Øyvind Wangensteen.
Med: Pål Christian Eggen, Ågot Sendstad, Peder Kjøs, Charlotte Frogner, Fridtjov Såheim, Anders Mordal, Tom Styve, Sara Khorami, Tani Mathias Dibasey Hansen, Grete Sofie Borud Nybakken og Silas Henriksen.
Marit Moum Aune målar med brei pensel i årets oppsetjing av «Peer Gynt» ved Gålåvatnet. Framsyninga er storslegen, tidvis sakral og særs vakker. Det er store velregisserte massetablå i Ingrid Nylanders tidsriktige kostyme og ein spektakulær scenografi i eit fantastisk samspel med naturen rundt. Og hovudpersonen er ein ufordrageleg Peer utan eit einaste forsonande trekk.
