Matfilm er ikkje ei heilt presis nemning på «Ramen Shop», men filmen plasserer seg i ein lang, asiatisk tradisjon for å nyt(t)a mattradisjonar, matlaging og eting til å fortelja om alt frå smuldrande familieverdiar og eksponering av underkommuniserte klasseskilje, til historier om religiøsitet, sex og familieomsorg. I japansk film finst det tallause døme på all denne bruken frå Yasujirô Ozus 1950-tals filmar til vår tids originale familiehistorier frå Naoko Ogigami.