Å blande fakta og fiksjon blir som kjent ikkje alltid faksjon, men oftast fiksjon, slik blandinga av ei flaske vin og nokre dropar vatn ikkje blir vatn, men vin så god som nokon. I forordet til «Allmenn teori om glemsel» slår José Eduardo Agualusa fast at sjølv om den nye romanen hans er bygd rundt historia til ei faktisk kvinne og dei faktiske dagbøkene og dikta hennar, er det vi får lese fiksjon, «ren fiksjon» – kva no enn det skal bety.