Det gjekk fleire millionar år frå menneska reiste seg på to til dei greidde laga seg spyd og pil og boge, slik at dei kunne ta fatt på å utrydda alle andre levande artar. Men då dei først kom i gang, gjekk det så radig unna at ein kunne tru at målet med tilværet var å utsletta det. Det har gått til helvete sidan steinalderen, og no går det mykje raskare, fordi me har blitt så mange, og fordi me har fått så effektive hjelpemiddel til å øydeleggja livsgrunnlaget vårt med.