«Me er avlsdyr.» Slik samanfattar hovudpersonen Offred lagnaden til kvinnene som blir portrettert i den nye tv-serien «The Handmaid’s Tale». Serien er basert på ei bok av Margaret Atwood og er ein framtidsdystopi om eit samfunn der ei gamaltestamentleg sekt har teke over makta. Fertiliteten har gått dramatisk ned, og dei få kvinnene som framleis kan formeira seg, blir kalla handmaids. Dei må kle seg i heildekkande kjole og kyse og er ein slags statsautorisert sexslave for overklassemenn.