•Det er opplese og vedteke at to stridsspørsmål får fram det verste i oss: nynorsk og islam. Denne veka kom ein god bronsekandidat: bilen. Oslo kommune var nemleg frekk nok til å forby dieselbilar for å redusera forureininga. Forbodet enda opp med å vara berre 16 timar og gav unntak for ei rekke dieselbilar, som dei brukt av rørslehemma eller dei med meir miljøvenleg motor.