Burettslaget mitt i Oslo har, som alle burettslag med respekt for seg sjølv, ei eige Facebook-side. Har eg gløymt igjen mobilladaren på jobb, treng eg ei oppskrift eller skulle eg så gjerne lånt litt olje for å få utgangsdøra til å knirka mindre, så treng eg berre legga ut ei melding på Facebook-sida. Uansett om det er tidleg eller seint på dagen – etter kort tid har gjerne fleire svara, alle klare for å hjelpe ein nabo dei kanskje ikkje har sett fjeset på.