Det er ingenting sensasjonelt med at billionvis av dollar og euro er gøymde vekk på hemmelege kontoar i lovlause skatteparadis. For det har vore kjent i lange tider at dei finst, men kontoeigarane har vore verna av ein opinion som synest at det skal vera andre reglar for kong Salomo enn for Jørgen hattemakar. Av den grunn har det vore lite vilje til å oppfatta skadeverknaden av at kapitalen blir samla på færre og færre hender.