Kvit, gul, raud, grøn, blå, svart. Me tenkjer muligens ikkje på det, men fargane er naturgjevne. Himmel, jord, hav, skog, planter, dyr syner oss dei. Og ikkje minst regnbogen! Han viser fram alle fargane. Mennesket har hatt ein jobb å gjera – å setja ord på inntrykka, setja namn på fargane. I neste omgang har me nytta fargeorda til språkutvikling: Han såg raudt. Me ser svart på det. Ho vart grøn av misunning. Dei lever på ei rosa sky. Desse idioma treng inga forklaring.