Vitskapen gjer stadig nye framsteg, trass i at eg framleis ventar på den heilautomatiske oppvaskkluten som tørkar av kjøkkenbenken og komfyren før han skyller seg sjølv i reint vatn og hengjer seg opp på ein knagg. Arbeidet med kunstig intelligens er kome så langt at fysikkprofessor Stephen Hawking fleire gonger har åtvara mot faren for at maskinane kan ta makta frå menneska.