Den tid Tomm Kristiansen var kommunikasjonsrådgjevar for den sørsudanesiske presidenten Salva Kiir, hendte det iblant at den varme og kjensleladde journalistrøysta kom ut gjennom radioen med bodskap om storverka til denne handlekraftige leiaren. Eg hugsar enno korleis håra reiste seg på ryggen min. Tomm Kristiansen kunne like gjerne fortalt at han hadde vore med på å installera ein sprengladning, og at han såg fram til eit fantastisk smell.