Ny Tid har gått gjennom store endringar, og kjem no ut i retromoderne fullformat med kledeleg layout. Den nye redaktøren Truls Lie set krav til lesarane: I den første leiaren lovar han opp- og undersøkjande stoff om konflikt, kontroll og klima. Men når Lie har tiltru til lesarane sine intellektuelle evner, er det desto merkelegare at han undervurderer dei språklege evnene deira: Dei får ikkje lenger lese nynorsk i Ny Tid.