Vi noterer

… at SvD har kåra dei 20 viktigaste nolevande svenske forfattarane. 101 kritikarar, forskarar og forfattarar har nominert fem favorittar kvar, før ei avrøysting har skilt klinten frå kveiten. Få vil la seg overraske av at Kerstin Ekman er dronninga på topp. Aftonbladet etterlyser ein arbeidarforfattar eller to og saknar dessutan ein barnebokforfattar, men har ingen problem med at dei fem første plassane er tatt av kvinner. Av ein eller annan grunn dukkar åsynet til Horace Engdahl opp i notisredaksjonens indre – han ser ikkje blid ut.