Vi noterer

… at det er Møllebyen Litteraturfestival i Moss i helga. Festivalen omtalar seg som ei «lekegrind for både det smale og det brede, det spekulative og det brennaktuelle, det eksperimentelle og det kritiske», og årets tema er «Hjem». I løpet av helga skal ni bøker lanserast, blant dei Alice Millers «Ingensteds nærmere» (meldt på side 17). Notisredaksjonen skulle gjerne ha vore fluge på veggen under arrangementet «Ensomheten på dansegulvet», som er siste programpost på laurdag og truleg varer langt ut i dei små timane.