Vi noterer

...at lesekrisa har ført til barnebokboom i Sverige. Det viser tal frå Barnboksinstitutet: Etter å ha lege på same nivå i eit tiår blei det i 2025 gitt ut 153 fleire titlar. Bak auken ligg 480 millioner statlege kroner til bokinnkjøp i skulen. Til TT løftar bibliotekar Helena Ahlin òg fram ei anna forklaring: at boka har blitt trendy. Forlaga finn titlar på Booktok, omset dei til svensk og gir dei ut med originaltittel og -omslag. Ei forklaring til: I 2025 kom det to bøker med skrap og lukt-effekt.