Frosne familiar

I sitt 73. år har Jim Jarmusch våga seg inn i kjernefamilien. Nærare bestemt tre ulike familiar frå tre ulike land i kvar si ufullstendige, men avslørande forteljing. Jarmusch har til no omgått denne sosiale kjerna i all dramatikk inkludert kunsten til hans førebilete Yasujirō Ozu. I «Father Mother Sister Brother» fornyar Jarmusch sin humanistiske dialog med Ozu nettopp gjennom familiesettinga samstundes som han destillerer sin særmerkte, minimalistiske estetikk i eit kjent antologiformat.