Bak skyene ...

Når eg ser på dette mildt sagt symboltunge coveret til Rayes nye album, er ikkje det første eg tenker på ein Raye-låt, men Kristi Bruds glimrande «Bare dråper»: Vi sluttet aldri å håpe / Dette regnet e bare dråpar / Og se der oppe i skyene / Det kommar sol etter bygene. Den britiske superstjerna har neppe hørt Kristi Brud, men også ho brukar dette velkjente «bak skyene er himmelen blå»-motivet. Her står ho, i ein av sine typiske raude divakjolar, haler og drar i eit tau, og tvingar opp ei lita luke av håp i himmelen. «This music may contain hope», står det der, i kvitt mot ein lyseblå bakgrunn.