Vi noterer

… at to nedlagde skular og ein bensinstasjon med verkstadhall er det du treng for å huse 275.000 bøker. NRK laga nyleg ei sak om nesbu Jarle Oppedal, som har samla ei bokmengd tilsvarande 12 gjennomsnittlege norske folkebibliotek. Dei siste 10 åra har han hatt som misjon å redde bøker frå å bli kasta – mildt sagt eit plasskrevjande prosjekt. Notisredaksjonen veit ikkje kva som er vakrast: at Oppedal til dagleg jobbar som seniorkonsulent i Forbrukarrådet eller at kjærleiken hans til bøker tok fyr då han skreiv særemne på vidaregåande.