Vi noterer

... at også keisame bøker kan ha sin bruk. I alle fall kan frustrerte småbarnsforeldre dra nytte av britiske Will Hackett-Jones’ nye barnebok, som er skrive for å få småtrolla til å sovne: «The Old Wooden House» har verken plot eller spenning! Om boka blir ein suksess, vurderer Hackett-Jones å skrive ein serie med «søvnige bøker». Frå Skandinavia kan vi rapportere at svenske Carl-Johan Forssén Ehrlin allereie har bygd ein heil forfattarskap på det – og at han truleg har drepe leselysta til ein halv generasjon i same slengen.