Ei brikke i krigsbildet

Er det krigspropaganda? Det er skuldinga mot den omstridde dokumentaren der regissøren skildrar kvardagen blant russiske soldatar i det okkuperte Aust-Ukraina. Det korte svaret er nei, «Russians at War» er ikkje Putin-propaganda. Regissøren – som oppheld seg saman med ikkje-stridande forsynings- og sanitetsavdelingar – stiller seg likevel lagleg til for kritikk på grunn av sitt avgrensa, empatiske portrett av soldatar i invasjonshæren og gjennom romantiseringa av «slavisk brorskap», som russiskstøttande ukrainarar får formidla utan oppfølgingsspørsmål.