Punk-opprør mot kjønnsnormer

Den britisk-indiske filmskaparen Karan Kandhari spelefilmdebuterer med ein kritikk av indiske kjønns- og ekteskapsnormer så eksplosiv at handlinga er for kraftig til å samlast i ei samanhengande forteljing eller berre éin sjanger. «Sister Midnight» kryssar mange logiske grenser og sprengjer seg ut av dei fleste kategoriar – drama, satire, sosialrealisme, myte, skrekk – for å få rom til sitt oppdemde sinne og frustrasjon.