Vi noterer

... at den brasilianske forfattaren Clarice Lispector, etter kvart eit kjent namn for norske lesarar, også skreiv forteljingar for barn. No er to av dei gitt ut på engelsk for første gong, av New York Review of Books sin barnebokimprint. «The Mystery of the Thinking Rabbit» og «Almost True» skreiv ho til sønene Paulo og Pedro. Dei handlar om dyr, ein vanleg kanin og ein talande hund, og har filosofiske undertonar – som seg hør og bør i bøker for barn.