19. feb.
Staten Mens Elon Musk herjar med den amerikanske staten, er det verd å plukka fram den amerikanske økonomen Mariana Mazzucatos bok «En ny økonomi» som kom for nokre år sidan.
Her viser ho kva rolle staten hadde for suksessen Tesla, som Musk har blitt rik på.
Det amerikanske energidepartementet gav faktisk Tesla eit gunstig lån på heile 465 millionar dollar, skriv Mazzucato. Staten stilte også opp med gunstige lån til Apple og Google.
«Uten en stat som satset på ny teknologi, ville vi verken hatt internett eller Tesla», skriv Mazzucato.
Det var fordi tidlegare president Barack Obama var interessert i ein grøn økonomi at det amerikanske energidepartementet gav statsgaranterte lån til Tesla og andre grøne selskap. Enkelte av dei lukkast, andre lukkast ikkje.
Det blei meir merksemd rundt selskapet staten hadde stilt stort opp for, men som ikkje lukkast, enn statens rolle i suksessen til Tesla, som Mazzucato skriv:
«Staten reddet det nederlagsdømte selskapet (Solynodra), men fikk ingenting av oppsiden i selskapet som lyktes (Tesla). Og videre, den jevne amerikaner kjenner til statens rolle i Solyndra-konkursen – den ble grundig dekket i mediene – men ingenting om rollen den spilte i Teslas suksess, som ble framstilt som en triumf for privat sektor. Dette bidro til å styrke påstanden om at staten ikke bør prøve å plukke vinnere.»
Dette må me ikkje gløyme mens Musk sender statstilsette på dør.
Anne Kari Hinna