Dag Johan Haugerud rundar av sin skeive trilogi med ei raus og vittig fabulering om kjærleik i ubunden form.

Størst av alt er kjærleik

Prostata: Psykologen (Lars Jacob Holm) frå «Drømmer» viser seg å leva i angst, men når han faktisk blir alvorleg sjuk, kjem sjukepleiaren Tor (Tayo Cittadella Jacobsen) til livgjevande unnsetning. Foto: Arthaus

I 2024 har Noreg fått eit filmverk vi ikkje har sett make til. På eitt og same år har Dag Johan Haugerud lansert dei tre parallelt produserte langfilmane «Sex», «Drømmer» og «Kjærlighet». Filmane, alle med handling lagt til dagens Oslo, er sjølvstendige forteljingar, men estetisk og tematisk samanbundne.