Refs rett frå skrumplevera

Det er dyrt og tungvint å orientera seg blant strøymetenestene. Det som finst av originalt kvalitetsinnhald, kunne til saman ha fylt ei teneste, og alle tilbydarane kastar skitt og kanel om kvarandre i uetterrettelege kategoriar. Det er lett å bli «hekta» på ein serie med ein lovande premiss som aldri blir innfridd fordi ein i det lengste vil tru at ein har vald noko som var verd tidsbruken. Diverre er det naturleg nok lettare å vurdera ein serie når han er ferdig spela.