På tampen av sommarkinosesongen blir billettsalet i Noreg, Europa og USA løfta av to kioskveltarar med stikk motsett publikumsappell. Superhelt-valdskomedien «Deadpool & Wolverine» dreg (føreseieleg) i første rekkje unge vaksne menn til dei største og teknisk mest avanserte salane, medan den romantiske bokfilmatiseringa «Det ender med oss» (utgitt 2016) får store veninnegjengar til å strøyma til kinoar, som vartar opp med forventingsfullt mange visningar i dels uvanleg gode salar for ein film som ikkje er eit audiovisuelt fyrverkeri.
«Det ender med oss» er så populær at vi kan bu oss på meir «dark romance».
Booktok på kino
