Alt om pappa

I går kom Amanda-nominasjonane og blant dei ferskaste priskonkurrentane er filmane som hadde premiere på Kortfilmfestivalen sist veke. Desse er til og med søndag tilgjengelege på festivalens digitalplattform, og etter å ha sett vinnarfilmane, kan ein slå fast at Amanda-komiteen har valt ut nokre av dei mest interessante. Blant dei er den personlege, men høgst allment interessante dokumentaren «Prosjekt pappa» av kunstnaren Camilla Stefanie Jämting. Filmen fekk både Filmkritikarprisen og Gnistprisen (som gjev Altibox-distribusjon).